Rev 10 | ASO | STEP | Neloti' ma ninguvoni' nene amuzo malehe angelo' gohi ma nene Okulumokuti' limusoli'mo do asabu' ize-de minivo nolimivosa ninguve. Godololo' nene gini' huzebe hize neivo golo vele nene ho' hulaa' neine' ne'mino minine' ve. Ido' gizene hela hela nene olo' gulumo ne'mine gelo mino za langise ne'mine ha'na dizo minine' ve.

Revelation of John 10

Sipisipi Angale Ne'mo Buku'mi Nala've Laasi'a Huko Apase Osu' Lavo Soto' Oka' Oka' Ine' Initekumu' Zohane' Gizingu' Nene Angelo' Mali'mo Buku nGomo Ma Emavo Nangumukisi Gizine' Gamazi

1 Neloti' ma ninguvoni' nene amuzo malehe angelo' gohi ma nene Okulumokuti' limusoli'mo do asabu' ize-de minivo nolimivosa ninguve. Godololo' nene gini' huzebe hize neivo golo vele nene ho' hulaa' neine' ne'mino minine' ve. Ido' gizene hela hela nene olo' gulumo ne'mine gelo mino za langise ne'mine ha'na dizo minine' ve. 2 Ido' anau' nene di gangaa' ani' buku ngomo ma di patelikani' neine' nene do mino gizene zamelati' nene guvo nosolo' lisosa gizene adavalati' nene misubolo' lisine' ve. 3 Ne'mine o mino nolo've nene laioni gulo ne'mo nolo molaa' neine' gele minivosa nolo nabauti' vise line' ve. Ido' vise lavo go' ngilili seveni'a nete a'mido' no'ine mili gamazi lani' ve. 4 Ido' a'mine go' ngilili seveni'a nete ne'mini gamazi likevo naza lani' gamazi nene gizelesa nouvo Okulumokuti' nene nolo ma ti' losa soto' ivo giluve: A'mine go' ngilili seveni'alite lani' gamazi nene gelo do halekekezo. Mo gizamozo. 5 Ne'mine lavo a'mine angelo' ado' guvo nosolokisi misubolokisi lise neivo ninguvoni' angelo' ne'mo ana zamela nene Okulumota do otine' ve. 6 Do otosa ei' liline' gamazi do amuzo molalosa nene minevo' minevo' ogovo' minaa' ive ado' Okulumokisi a'mingu' nizani' inite' matakisi ido' misubosi a'mingu' nizani' inite' matakisi ido' guvo nososi a'mingu' nizani' inite' matakisi do soto' ivelo' nene lo molo ti' lo live: Gamene gohi ma ogo vamoloseive. 7 Asi angelo' naba seveni ne'mo pikuli've hubu lo do nolo molaline' gamene ilido' gehepeve nene O'moso'mo eze gonolo' ve've polohete gomu' lo soto' ogo lo-ngimine' gamazi nene do gihile izo inite' suno' neine' olosa gele minaa' neine' nene do soto' ogo do peleleseive.

8 Ne'mine lavo Okulumokuti' nolo soto' ogavo gomu' giluve ne'mo gohi gamazi lo-nemo ti' lo live: Gaza nene vo guvo nosolokisi misubolokisi liso ote neine' angeloli'mi anau' do neine' buku di patelikani' ma nene dozo. 9 Ne'mine lo-nedavo a'mine angelo' neida vo buku nene nemezo lo-dekuvo aza ti' lo lo-nimive: Gaza buku mene dosa no mikile' ozo. A'mine ne'mo nene gatungau' lemo neivo gatunga ne'mo nene lanite' gelamoloseive. Ne'mine oloseine'za nonanivo vekauko nene himoni novozo ne'mo lanite' oga' neine' ne'minosa lanite' oloseive. 10 Ne'mine lavo a'mine buku ngomo nene a'mine angelo' ma'mi anauti' dosa no mikile' okuvo ve'neuko lanite' ine' nene himoni novozoli'mo lanite' ine' gilive. Ne'mine ine'za no mikile' okuvo gatu'neuko limine' nene mo lanitekisi amive. 11 Ne'mine ogavo nouvo ti' li li-nimave: Gaza nene evene' zuho ato ato' oko'ine ato atokisi no'ine ato atokisi minani' mukikumukisi ido' guve'inesi ve naba mukikumukisi nene a'mine soto' o ngemeline' initekumu' nene O'moso'mi veleti' gamazi nene imine' molo gohi lo soto' ogo lo-ngemelinido' o neive.